Estimados lectores e amantes da poesía,
É con gran entusiasmo que anunciamos un evento moi especial que terá lugar no noso centro como parte das celebracións da Semana das Letras Galegas, que este ano 2024 están adicadas á autora Luisa Villalta.
O vindeiro 14 de maio ás 12:00 horas, teremos a honra de acoller ao recoñecido poeta galego Xoán Carlos Domínguez Alberte na sala de conferencias do Colegio LAR. É Domínguez Alberte, unha figura emblemática da nosa literatura contemporánea, e compartirá con nós a súa charla-coloquio titulada “FAÍSCAS DUNHA VOZ POÉTICA”.
Nesta sesión, Xoán Carlos, falará da súa traxectoria poética, das súas inspiracións e do seu proceso creativo. Será unha oportunidade única para mergullarse na súa obra e de celebrar xuntos a riqueza da nosa lingua e cultura.
Reseña biográfica:
Xoán Carlos Domínguez Alberte naceu en Escudeiros, Ramirás, o 24 de xullo de 1966. É un escritor galego licenciado en Filoloxía Hispánica e en Filoloxía Galega pola Universidade de Santiago de Compostela. A súa traxectoria profesional é ampla e diversa: foi bolseiro do Centro Ramón Piñeiro para a Investigación en Humanidades, traballou no Servizo de Normalización Lingüística da Universidade de Vigo, e foi responsable do Programa de Dinamización Sociolingüística das Comarcas de Galicia. Dende o ano 2004, é profesor de Lingua Galega e Literatura no ensino público.
Como escritor, Domínguez Alberte destaca no ámbito poético, con obras como “Material de outono” (2000), “As horas luminosas” (2005), “Incivil” (2009), e “Materia infinita” (2011). Tamén é autor de literatura infanto-xuvenil e ten realizado traducións de autores clásicos. Entre os seus últimos traballos atópase o poemario “Faíscas” (2024), que será o tema central da súa charla no Colegio LAR1.
No hay comentarios:
Publicar un comentario